-- ADVERTISEMENT --
Nagpromisa ro defense team ni Vice President Sara Duterte nga magasunod sa mga summon it impeachment court ag mag-file it sabat.
Sa sangka statement, ginpahayag ni Atty. Michael Poa, spokesperson it legal team, nga ginaeauman eon nanda ro summons kasunod it pag-convene it Senado bilang Impeachment Court.
Ginpahayag ni Poa nga indi eon sanda magkomento bilang pagrespeto sa proseso.
Ko Lunes, nag-convene ro Senado bilang impeachment court para sa trial ni Duterte may kaangtanan sa mga alegasyon it pag-eabag sa 1987 Constitution, graft and corruption ag betrayal of public trust.
-- ADVERTISEMENT --
Ginmandu it impeachment court nga mag-file si Duterte it sabat sa sueod it 10 adlaw umpisa nga raya hay ginbaton.
Ginmanduan man raya nga magpakita sa Senado.
