NEWS Analysis–Medyu pa-grabe nga pa-grabe ro nagakatabu nga pagpakahuya ag mga pagpamaeag it pilang lending firm sa mga naga-utang kanda nga indi makabayad.
Ro abi mo nga nakabulig sa pagkinahangean hay mas grabe pa nga problema ro magiging resulta.
Trauma, grabeng kahadlok ag pagkabalisa ro naangkon it mga nag utang kanda.
Raya hay bangud sa grabeng pagpahuya nga nagaresulta pa sa pagpamaeag sa andang kabuhi, kamana man sa kabuhi it andang pamilya.
Mabuhay eon ro mga makarondaya nga reklamo it kaabuan.
May pila nga nagpasaka it pormal nga reklamo sa Department of Justice (DOJ) kun sa siin gintumod eon ro pilang mga lending companies nga eakot sa makarondaya nga klase nga brutal kon magpanukot.
Ag bangud nga antes nga makautang kanda hay pagaboe-on ro personal nga impormasyon, raya makaron ro andang alas nga pagagamiton kontra kinyo nga nagapamaeag kon magsukot.
Ro masubo pa kara, kaeabanan nga ginapanag-iyahan sigon it mga dumueuong ro mga nasambit nga kompanya ag sambilog ro Pinoy sa andang target.
Dapat mag-dahan kara ro publiko, nga mag-eowas nga masyadong mabahoe ro tubo nga ginabo-oe, makarondaya pa ro estilo nanda it pagpanukot.
Gusto man it senado nga raya hay maimbestigahan.
Dapat sigon nga mapasabat ag mapanaugan it mabug-at nga penalidad ro mga lending firm nga eakot sa makarondaya nga aktibidades agud nga indi eon makapangbiktima pa
