KALIBO, Aklan—Magapatigayon it “Passport on Wheels” ro lokal nga gobyerno it kalibo sa buean it Hulyo sa pakikipagbueuligan it Department of Foreign Affairs (DFA).
Raya hay agud nga mataw-an it serbisyo ro mga residenteng nagahandum nga makaangkon ag mag-renew it andang pasaporte.
Igaproseso it DFA ro passport applications sa maabot nga Hulyo 24, 2023 sa Aklan Catholic College covered gym.
Bukas ro Passport on Wheels para sa mga kalibonhon nga gusto nga mag-apply ukon magpa renew it andang passport nga indi eon kinahangean nga mag agto sa siyudad it Iloilo.
Limited slots eamang sigon ro available.
Ro mga interesadong aplikante hay kinahangean nga makaangkon it slots sa pagahiwaton nga pre-registration nga may kompletong requirements sa maabot nga Hulyo 4 hasta 6 sa ACC covered gym.
Ro aktwal nga pagproseso kara hay sa Hulyo 24.
Madumduman nga ko Hulyo 2023, nagdihon si Sangguniang Bayan member Ketchie Luces it resolusyon nga naga engganyo sa DFA regional office VI nga magpatigayon it sambilog pang Passport on Wheels program sa banwa it Kalibo.
Ko nagtaliwan nga dag-on, nagpatigayon man ro DFA it Passport on Wheels project sa banwa it Kalibo kun sa siin masobra sa 1,800 nga mga residente ro nakabenepisyo nga makaangkon it pasaporte.
