Dumagsa ro mga pasahero sa unang adlaw nga libreng sakay it MRT Line-3, para sa mga nagabiyahe halin North Avenue paaadto it Taft vice versa.
Kainang agahon, mahabang pila ro nagsug-aeaw sa mga pasahero sa pagbukas pa eamang it tren bandang alas-4:30 ag ginaeauman nga maga-abu pa raya hasta sa pagsara kara hinduna it alas-10:10 it gabi-i.
Nagpanguna si MRT OIC general manager Engr. Mike Capati sa pagbiyahe it unang train set nga may ap-at nga bagon.
Ro libreng sakay hay bilang pagselebrar sa madinaeag-on nga rehabilitasyon it MRT-3 ag bilang bulig eon man sa mga Pilipino nga apektado it mataas nga presyo it mga baeak-eon.
Para makasakay, gamiton eamang ro dating beep card sa pagguwa ag pagsueod it estasyon, ag single journey ticket nga pagabue-on sa mga ticket booth kung owa it beep card.
