Uman nga ginpakita it Bombo Radyo Philippines ro gahom it nagatibyog nga komunidad ag bolunterismo sa madinaeag-on nga pagpatigayon it Dugong Bombo 2024: A little Pain, A life to Gain, a nationwide simultaneous bloodletting activity.
Sa raya nga dag-on, nakatipon it haeos 2,002,950 cc nga katumbas it 529.12 gallons ukon 10 US drums it dugo.
Naghalin raya sa masobra 4,451 blood donors sa bilog nga nasyon nga nagapakita it diwa it bayanihan it mga Pilipino.
Sa pakikipagbuligan it Bombo Radyo Philippines Foundation Inc. ag Philippine Red Cross, nagapabilin nga sangka halimbawa it pagsakripisyo ag dedikasyon ro Dugong Bombo sa pagsabat sa kritikal nga kinahang-eanon it dugo sa mga blood banks it nasyon.
Maskin may paeag it Super Typhoon Pepito sa pilang lugar ag may una man nga bomb threat, ginpadayon ro aktibidad nga nagapakita it kalig-unan ag dedikasyon it mga volunteers, organizer, ag mga kabulig nga organisasyon.
Ro mabahoe nga suporta ag pagpasakop hay nagapakita it madaeom nga kumpyansa it publiko sa Bombo Radyo Philippines.
Ro organisasyon hay nagapasaeamat it hantop sa tagipusuon sa donor, maging sa mga successful ukon uwa sa pagtao it dugo ag sa mga sponsor nga nagtao it kontribusyon ag naging yabe sa kadaeag-an it nasambit nga programang uwa it kaparehas.
Kaparehas it aton nga mantra, “In Dugong Bombo, a little pain, a life to gain.”
Ro bloodletting activity makaron nga dag-on hay naga-insister sa pagiging epektibo it mga inisyatibo nga ginakaeakipan it komunidad sa pag-eowas it mga kabuhi ag pagpalig-on it pagkakaisa.
