Mabahuean nga oil price increase, igapatuman makaron nga adlaw it Martes

Matsa ginpasamit eamang ro mga motorista it rollback ko nagtaliwan nga dominggo sa produktong petrolyo.

Raya hay matapos nga igapatuman makaron nga adlaw it Martes ro dugang sa presyo sa tanan nga produktong petrolyo.

Sa abiso nga ginpaguwa it mga kumpanya it langis,  kapin sa P0.85 sentimos sa kada litro ro ginsaka sa gasolina; P1.75 centavos sa kada litro it diesel ag P1.90 centavos mat-a sa kada litro it kerosene ro gintaas sa presyo kara.

Suno sa Department of Energy (DOE), demand sa international market ro nagapangunang rason sa nasambit nga pagsaka sa presyo it mga produktong petrolyo.