NATIONAL News — Ginkumpirma ni retired police colonel ag former Cebu City police chief Royina Garma nga naeakip ro mag-asawa nga sanday Melvin ag Meriam Odicta sa mabahoe nga mga personalidad nga ginpamatay bilang kaparte it drug war it administrasyon ni dating Presidente Rodrigo Duterte.
Ro mag-asawa nga Odicta ang gina-alegar nga drug lords sa siyudad it Iloilo antes sanda nga ginbaril-patay sa Malay, Aklan ko August 2016.
Sa quad committee hearing it House of Representatives, ginpangutana ni Santa Rosa City Rep. Dan Fernandez si Garma kon may nasayuran imaw angot sa iba pa nga mga personalidad nga ginpamatay sa war on drugs.
Sabat ni Garma, ‘public knowledge’ eon ro pagpatay sa natumod nga mga tawo kapareho it mag-asawa nga Odicta.
“Yes Mr. Chair, it was public knowledge, it was in the newspaper like the couple na Odicta, ‘di ba namatay po ‘yon. Mayor Halili, mga mayors,” ro pahayag ni Garma.
Owa eon gindetalye ni Garma kon sin-o gid ro nagpatay sa mag-asawa apang klaru nga mga operatiba raya halin sa Philippine National Police.
