Ginpahisayod it bag-o nga grupo it mga igbata it missing sabungeros ro gina-alegar nga ₱1 billion nga areglo kabaylo it pag-atras sa kaso kontra sa negosyante nga si Charlie “Atong” Ang.
Ginturo it mga igbata it mga biktima sanday Dianne Loyola, Cha Lasco, ag Jaja Pilarta bilang sa likod it negosasyon.
Suno kay Ryan Bautista, owa sanda it nasayuran angot kara, kun sa siin, sanda pa ro ginapabangdan nga nagbaton it kwarta matapos ginkakas sa group chat ag akusahan nga nakipagkasugot eon sa kampo ni Ang.
Nauna eon nga gin-ako it abogado ni Ang nga si Atty. Caroline Cruz nga nagtau imaw it tig-₱20,000 sa pilang mga pamilya bilang bulig apang ginpamalibaran nana nga raya hay bayad para mag-atras sa kaso.
Samtang, nagpanawagan man ro grupo sa Department of Justice nga pabaskugon pa ro imbestigasyon ag ieakip sa kaso si Julie “Dondon” Patidongan ag mga kaibahan kara nga sanday Elakim ag Jose.
