Balitang Espesyal——–Nakaangkon it pinasahi nga kasae ro magkarelasyon sa Amerika.
Nasayuran nga ginkasae sanday Pam ag Jeremy Salda, samtang sanda hay nagabyahe sakay sa Southwest flight maghalin sa Dallas ag paadto sa Las Vegas.
Bangud kara, nanging instant maid of honor ro mga flight attendant samtang gingamit man ro mga tissue papers bilang dekorasyon.
Suno kara, nagkakilaea ro daywa ko Agosto 2020 ag matapos mabalitaan nga puwedi eun nga magbyahe nga owa it facemask, nagdesisyon ro mga raya nga magpakasae sa Las Vegas.
Nabakae eun sigon it daywa ro andang mga igasuksok ag nakabook eun man ro andang filghts ag hotel.
Ginsuksok it magkarelasyon ro andang eambong nga pangkasae sa byahe paadto sa Las Vegas apang may natabo nga aberya ag pagkadelay it andang flights.
Samtang una sa Dallas/Fort Worth airport, nakilaea nanda si Chris Kligora kaibahan nanda nga pasahero ag isaeang ka ministro ag raya ro nagbolontaryo nga magkasae kanda.
Plano man it daywa nga ipadayon ro kasae sa Agosto nga pagahiwaton sa Cabo, San Lucas sa Mexico.
