Abanse eon sa gold medal match sanday Olympian boxer Irish Magno ag Ian Clark Bautista sa nagapadayon nga 31st Southeast Asian Games sa Hanoi, Vietnam.
Ginpiyerdi ni Magno si Novita Sinadia it Indonesia sa score nga 5-0 sa women’s 48-51 kg. event.
Samtang,nagpanguna si Bautista kay Rangsey Sao it Cambodia sa men’s 52-57 kg. event.
Makaibahan nanday Magno ag Bautista sanday Eumir Marcial ag Rogen Ladon sa andang masig gold medal matches sa nagahilapit ga dominggo, Marso 22.
Bronze medal ro sigarado nga maboue nanday Olympic silver medalist Nesthy Petecio ag Marjon Pianar.
Napas-eawan si Petecio kay Thi Linh Tran it Vietnam sa semifinals it women’s 57-60 kg. event sa score nga 3-2 samtang si Pianar hay gipiyerde ni Sarohatua Lumbantobing 4-1 it Indonesia sa men’s 63-69 kg events.
