Maintok nga local furniture businesses, magiging large-scale enterprises sa oras nga makasueod sa digital space ag world market –PBBM 

Mabahoe ro naipasueod it design industry it nasyon sa ekonomiya it Pilipinas.

Suno kay Pangueong Ferdinand Marcos Jr., kapin sa 7.1% hasta 7.2% ro naipasueod it industriya sa gross domestic product it nasyon ukon katumbas it trilyon-trilyong piso.

Rason nga pagahimuon sigon it gobyerno ro tanan para maipakilaea sa kalibutan ro kamayad ag pagiging creative it mga Pilipino.

Gin-insister ni Pangueong Ferdinand Marcos Jr. nga magiging large-scale enterprises ro maintok nga local furniture businesses sa oras nga ipasueod sanda it Department of Trade and Industry (DTI) sa digital space agud maabot nanda ro world market.

Welcome sigon sa presidente nga makita ro pagduso it Philippine design community nga makaron hay makabig eon nga world-class.