Napilitang mag-shutdown ro banwa it Passadumkeag sa Maine, U.S. bangud nga ro naga-isaeahanon nanda nga town clerk hay nag-resign bangud nga owa gin-aprubahan ro anang vacation leave.
Gintaeana bilang town clerk it Passadumkeag si Chriten Bouchard ko September 2020 matapos nana nga dumaeahan ro naging eleksyon sa anang banwa ko Nobyembre 2020.
Maisot nga banwa eamang ro Passadumkeag nga may populasyon nga 356 katawo rason nga sangkiri eamang ro tawuhan sa town hall kara.
Bangud kara, gin aku man ni Bouchard ro trabaho bilang deputy treasurer, fisheries and wildlife liaison, imaw man ro naga-isyu it lisensya sa mga alagang sapat it mga residente ag taga-rehistro it mga saeakyan.
Nag-file it resignation si Bouchard ko Abril 7 matapos nga gin aprubahan ro anang two-week vacation leave.
Sa pagkaduea ni Bouchard, sarado ag naparalisa ro operasyon it town hall bangud nga owa it may magadumaea sa vehicle registration, inspection it mga properties ag owa it may nagasabaty sa mga report angot sa mga rabid and abused animals.
Sa makaron, naga-usoy gihapon ro banwa it Passadumkeag sa maging kabaylo ni Bouchard.
