KALIBO, Aklan–Indi magpasakop ro Malinao-Lezo Transport Cooperative sa ginakasa nga sang domingo nga untat-biyahe it pilang transport groups bilang pagkontra sa PUV modernization program.
Maga-umpisa ro transport strike sa masunod nga Lunes, Marso 6 ag magabuhay hasta sa domingo Marso 12.
Suno kay Edgar Igcazensa, Chairman it MLTC nga umpisa ko 2017 hay nagseparar eon sanda sa federation of Aklan public intergrated transport incorporated ukon FAIPTI nga dating miyembro it PISTON.
Pabor sigon sanda sa programa it gobyerno makaron partikular ro ginaduso nga modernization program.
Ginaduea man nana ro pagkabaeaka it publiko bangud nga owa sanda naila it transport strike nga mag eowas nga kaeo-oy ro mga commuters hay apektado ro andang pangabuhian.
Nasayuran nga ro mga jeepney operators nga owa pa nakapa-miyembro sa andang gintukod nga transport cooperative hay gintaw-an it land transportation franchising and regulatory board ukon LTFRB it hasta sa hunyo 30 agud nga magamit ro andang prangkisa.
