Nakalista ro Philippine Institute of Volcanology and Seismology (PHIVOLCS) it kapin sa 436 aftershocks matapos tumama ro magnitude 6.4 earthquake sa Lagayan, Abra gabi-e it Martes, Oktubre 25.
Suno kay PHIVOLCS officer-in-charge Teresito Bacolcol, kapin sa limang aftershocks ro nabatyagan kung siin pinakamabaskog ro nalistang magnitude 4.8.
Ginaeauman sigon nga mabatyagan pa ro aftershocks hasta sa masunod nga dominggo.
Padumdum sa gihapon it Phivolcs sa publiko nga magpabiling vegelante ag haom.
Una eon nga ginpahayag it phivolcs nga ro episentro it linog hay tumama pitong kilometro naaminhang nakatungdan it banwa it Lagayan, Abra.
Suno pa sa Phivolcs ro episentro it linog hay maeapit sa Ilocos fault system.
Nabatyagan man ro mabaskog nga linog sa Apayao, Benguet, Ilocos Sur, Ilocos Norte, La Union, Cagayan, Isabela, Tarlac, Nueva Ecija, Bulacan, ag Metro Manila.
