-- ADVERTISEMENT --
Naga-abot sa 252 nga mga indbidwal sa nasyong Ireland ro nagsuksok it “Lion costume” sa tuyo nga mailista sa Guinness Book of World Records.
Ro nasambit nga aktibidad hay gin-organisa it Wicklow ag District Lions Club sa pakikipagbueuligan it mga estudyante ag propesor halin sa kaiping nga Dominican College agud nga matipon ro nasambit nga numero it mga tawong nagbuylog sa nasambit nga attempt.
Suno sa mga organizers, 250 eamang kunta ro andang target apang matapos nga usisaon it pamunuan it Guinness, nag abot sa 252 ro numero it mga nagpasakop.
Dugang pa it mga raya nga mabuhay eon nanda nga ginahandum ro nasambit nga aktibidad apang owa raya nadayun ko 2020 ag 2021 bangud sa COVID-19 pandemic.
