TAIWAN – Uman nga ginsueod it maabong mga Chinese aircraft ro kahawaan it Taiwan.
Suno sa Taiwan Ministry of National Defense, nakalista sanda it kabilugang 37 Chinese aircraft nga nagsueod sa airspace it Taiwan, kaibahan ro mga fighter jet, bomber, ag mga drone.
Ro 36 halin sa 37 aircraft ro natumod nga nagsueod sa sensitibong median line nga nagabueag sa mainland China ag Taiwan.
Ginpahayag dugang nga ro mga Chinese aircraft hay paadto sa Western Pacific gamit ro nagabatnan-nasidlangang airspace it Taiwan.
Samtang, nakataeana nga igapatigayon it Taiwan ro dag-unang Wanan air defense exercise halin July 22 hasta July 25.
Sa nasambit nga simulation hay kinahang-eanon it mga Taiwanese nga magpanago sa mga shelter nga hungod nga ginhimo it gobyerno Taiwan.
Magapatigayon ro Taiwan military it simulated air raids.
