Sa ginaeauman nga pagdagsa it international travelers sa makaron nga pista minatay, magadeploy ro Bureau of Immigration it kabilougang 58 nga bag-ong immigration officers.
Suno kay Immigration Commissioner Joel Anthony Viado, fresh graduates ro mga raya halin sa andang akademiya ko Oktubre 29 it presenteng dag-on.
Ro dugang pwersa hay sa tunga it ginaeauman nga mas mataas nga numero it international traveler makaron nga dag-on kumpara ko 2023 kon sa siin ginatantyang magaabot sa 43,000 hasta 48,000 kada adlaw ro magabiyahe paguwa it nasyon makaron nga adlaw samtang kapin sa 41,000 hasta 47,000 ro ginaeauman nga biyahero halin sa ibang nasyon ro magaabot sa nasyon kada adlaw.
Mag-eowas kara, ginpahayag dugang it BI chief nga maid-id nga nakasubaybay ro andang Immigration team sa sitwasyon sa Ninoy Aquino International Airport (NAIA) nga nagaserbeng nagapangunang international gateway para sa mga biyaherong paadto sa Pilipinas.
