Pagabawi-on it masobra sa pisong pagtaas sa presyo it produktong petrolyo sa masunod nga domingo ro naeksperyensiyahan nga magkasunod nga rollback.
Sa pag-estimate it industriya base sa baealigyaan it langis sa ulihing ap-at nga adlaw, ginpahayag ni Department of Energy-Oil Industry Management Bureau Assistant Director Rodela Romero nga ro ginaboeobanta nga pagtaas hay 65 sentimos hasta 90 sentimos sa kada litro it gasoline; 95 sentimos hasta P1.10 sa kada litro it diesel ag 95 hasta P1.10 sa kada litro it kerosene.
Dugang pa it opisyal it Enerhiya nga ro Organization of Petroleum Exporting Countries (OPEC) hay nagpahayag it sangka optimistikong panan-awan sa pagkinahangean para sa gasolina.
Regular nga gin-anunsyo it mga kumpanya it langis ro opisyal nga pag-anunsyo sa pagbag-o it presyo hay kada Lunes nga ginapatuman kada masunod nga adlaw it martes.
Epektibo ko Martes, Agosto 13, ginpanabaan it mga kumpanya it gasolina ro presyo it kada litro it gasolina sa P2.45, samtang ro diesel hay nagnaba it P1.90, ag kerosene nga P2.40.
Ro pinaka-ulihing paghueag sa presyo hay ginmarkahan it ikatlong sunod nga domingo it mga pag-naba sa presyo it gasolina, ag panglima para sa parehong diesel ag kerosene.
