Ginpahayag it Department of Social Welfare and Development (DSWD) nga ro pag-angkon it malig-on nga polisiya ag suporta halin sa mga myembro it Association of Southeast Asian Nations (ASEAN) ro yabe para sa madinaeag-on nga disaster response sa nasyon.
Raya ro ginpahayag it senior official it DSWD sa ginpatigayon nga 34th International Conference of the Red Cross and Red Crescent sa Geneva, Switzerland.
Si Assistant Secretary Dumlao hay nagserbe bilang sambilog sa mga panelists sa side-event it nasambit nga conference.
Mag-eowas sa malig-on nga laye, ginsambit man kara ro importansya it ASEAN Agreement on Disaster Management and Emergency Response (AADMER) para sa pagtao it proteksyon sa mga tawo para sa pagsolusyon sa kalamidad partikular eon sa Southeast Asian region.
Tuyo kara nga masiguro ro substantial reduction it mga disaster losses sa mga ASEAN region.
