Nagatanyag makaron ro sangka streaming service nga nagapaguwa it mga true crime stories it kapin sa $2,400 dollars sa makasarang nga magtan-aw it 24 oras it mga documentaries ag report it mga makangieidlis nga krimen ag i-dokumento ro andang eksperiensiya.
Base sa report, ro “Third Annual True Crime Watch Dream Job,” nga naghimo man it kaparehong offer ko 2020 ag 2021 hay magabayad it $2,400 dollars ag libreng sang dag-on nga subscription sa magadaog nga aplikante nga magatan-aw it 24 oras it true crime documentaries ag isaysay ro eksperiensiya sa social media.
Gusto it streaming service nga maka-usoy it tawo nga makasarang nga magtan-aw it nakaka-tense nga serial killer ag makangieidlis nga mga detalye.
Ro mga documentaries nga pagatan-awon it mapilian nga aplikante hay ro episodes it Murder Maps, Lady Killers, 10 Steps to Murder, Nurses Who Kill, Murder on the Internet, 21st Century Murder ag CyberCrimes with Ben Hammersley.
