KALIBO, Aklan—Magapatigayon it public bidding ro Municipal Economic Enterprise Development Office ukon MEEDO-Kalibo para sa pagpa-renta sa daywang bakanteng stalls sa Kalibo shopping center.
Ro bidding hay ginbuksan makaron nga adlaw it Huwebes ag magabuhay hasta sa Mayo 23, 2023.
Raya hay ro stall no. 52 ag 148.
Ro mga stalls hay may sukat nga 20.65 ag 23.20 meters.
Ro final bidding sa Mayo 23 hay pagahiwaton sa second floor it conference hall it old municipal hall, alas-10:00 it agahon.
Ro mga interesado hay ginapapahaum it goodwill money nga 100,000 pesos para sa stall no. 52 ag 50,000 pesos sa stall no. 148.
Ginpaabot it MEEDO nga ro bidding hay bukas para sa tanan , apang ginataw-an it prayoridad ro mga Kalibonhon.
Ginpamilit pa nga bidding process ro hugut nga pagasundon ag bukon it palakasan system.
Pila sa mga requirements hay ro notaryado nga application form, 500 pesos nga application fee nga non-refundable, tax clearance certificate nga gin isyu it municipal treasurers office.
