Ginpamalibaran ni Lionel Messi ro mga alegasyong ginapaboran it mga referee ro Argentina matapos nga mapiyerde nanda ro England, 2-1, sa semifinal it 2026 FIFA World Cup ag umabante sa ikaywang sunod nga World Cup final.
Nailista it Argentina ro come-from-behind nga daog pinaagi sa mga goal nanday Enzo Fernandez ag Lautaro Martinez, nga bumawi sa unang goal it England halin kay Anthony Gordon sa ika-55 minuto it hampang.
Kasunod it hampang, uman nga nag-init ro isyu angot sa gina alegar nga paborableng officiating para sa Argentina. Nauna eon nga nagpasaka it reklamo sa FIFA ro Egypt matapos ro andang pagka-piyerde sa Round of 16, samtang ginakabig man it Switzerland bilang “one-sided” ag confusing ro pilang desisyon it referee sa andang quarterfinal match kontra Argentina. Nagpahayag man it pagkadismaya ro kampo it England sa pilang tawag it referee sa semifinal.
Suno kay Messi, owa it anumang espesyal nga pagtrato ro andang koponan ag ro pag-abot sa daywang magkasunod nga World Cup finals hay bunga it pagtinguha ag pagbueuligan it bilog nga team.
Ginpamilit man nana nga napamatud-an it Argentina nga bukon it aksidente ro andang mga kadaeag-an ag angay ag bagay sanda nga magapabilin nga kaibahan sa mga pinakamayad nga koponan sa bilog nga kalibutan.
