KALIBO, Aklan—Uwa eon haeos it naga-eksister nga baboy sa Brgy. Navitas, Numancia.
Raya ro ginkumpirma ni Punong Brgy. Frany Reyes matapos nga tinamaan ro andang barangay it African Swine Fever ukon ASF virus.
Ginpaathag it opisyal nga grabeng kalugihan makaron ro andang inabot bangud nga hil-is gid ro andang mga alagang baboy.
Ginapatihan nga ro virus hay naghalin eamang sa mga kaeapit barangay kon sa siin madasig raya nga nagkalhit bangud nga ro mga tinamaan nga baboy hay uwa nagabuhay ro anang kabuhi.
Uwa nanda raya ginpatay kundi kusa nga nagakamatay kon matapnan it virus ag haeos nagtaeapon eon man rayon sa mga kaiping pa gid nga mga baboy.
Angot kara, naghinyo ro opisyal sa mga nagadayo sa Navitas beach nga inde eon magdaea it baboy ukon anu man nga produktong baboy agud nga madali sanda nga makabangon bangud nga uwa sanda makaron sa healing process.
Handom nanda nga maduea eagi ro virus agud nga makabawi sa naduea nanda nga pangabuhian.
