BANGA, Aklan—Owa it maeain ag indi dapat husgahan ro mga albularyo nga nagboluntaryo nga magbulig agud nga mausoy ro eawas it 15 anyos nga si Jhuros Flores.
Suno kay Maestro Prediction, sangka professional tarot card reader, psychic expert ag faith healer halin sa Cavite nga bilang sangka albularyo man hay nabatyagan nana nga matuod ro ginpatigayon nga ritwal it iba pang mga faith healer nga nag-agto sa lugar rason nga indi sanda dapat nga obrahon nga kaboeo-boeo eabi eon ro albularyo nga naggamit it matsa roller brush nga nag-trending ag umani it waea-tuo nga bashing.
Dugang pa nga minatuod suno kana ro paggamit it medium agud nga magsueod ro espiritu ni jhuros ag ma-istorya ro anang sitwasyon ag ginakahimtangan sa anang pamilya.
Dapat suno kana nga taw-an it nagakaigo nga respeto ro mga gina-obrang ritwal it mga albularyo bangud nga nakasayod sanda sa andang gina-obra.
Sambilog eamang sigon ro andang tuyo ag raya hay makabulig sa pamilya nga mausoy eon ro eawas it binatilyo ag owa sanda it intensyon nga makagulo .
