KALIBO, Aklan—Nagapanawagan it bulig pinansiyal ro tatlong pamilya nga nasunugan ko nagtaliwan nga adlaw sa Sitio Tugbungan, Brgy. Caano, Kalibo.
Suno kay barangay kagawad Jaylord Cipriano nga hasta makaron hay indi pa mabalikan it mga pamilya nga nabiktima it sunog ro andang lugar bangud nga owa pa it advice ukon go signal halin sa Bureau of Fire Protection ukon BFP-Kalibo bangud sa nagapadayun nga imbestigasyon it gintunaan it sunog.
Sa pihak kara, ginpahayag it opisyal nga bastante man ro bulig nga ginpaabot sa mga biktima partikular ro mga gindonar nga pagkaon, eambong ag iba pang gamit.
Ro ginatinguhaan makaron it tatlong pamilya nga makatipon it kwarta ukon construction materials agud nga uman nga makapatindog it baeay nga andang maistaran.
Madumduman nga mag-eowas sa tatlong baeay nga totally burned hay sangka bodega man ro nadaeahig nga partially damaged.
Sa makaron hay sangka pamilya eon lang nga nag-evacuate sa barangay hall ro nagapabilin idtu samtang ro iba hay temporaryong nag-istar sa andang mga igbata.
