Hayra ro mga importanteng laygay agud nga maging mabaskog ro eawas adlaw adlaw .
1.Magkaon it pamahaw nga may protina ag carbohydrates.
Ro carbohydrates hay halin sa tinapay, humay, ag tinuea.
Raya hay bukon it bastante agud nga mapabaskog ro eawas.
Kinahangean nga may protina man kapareho it gatas, tapa, bang-eus ukon scrambled eggs.
Bangud kara, bukon it mayad nga magpamahaw it donut, muffin, chocolate cake ukon ensaymada eamang.//
2.Mag-ehersisyo it sangkiri.
Ro pagtikang it madasig hay manami nga ehersisyo.
3.Tigsambilog eang ro trabaho.
Indi mag obra it tatlong bagay nga dueueungan.
Maubusan ka it kabaskog ag pasensiya.
Planuhon ro mga paga obrahon adlaw adlaw .
4.Magpili it mga positibong amigo.
May mga tawo nga manami ro personalidad ag nagatau katon it energy.
Maglikaw sa mga tawong depressed, akig sa kalibutan ag mga problemado.
5.Isarado ro telebisyon ag buksan ro libro.
May mga kahigayunan nga ro telebisyon hay nagapatamad katon.
Kun gustong maglibang, magbasa it libro.
Mas nagatau it energy ro pagbasa it libro bangud nga naga-gana ro atong imahinasyon.
6.Pamatian ro inyong eawas.
May mga cycle (circadian rhythms) ro atong eawas .
May oras nga mabaskog kita ag may oras nga mahina.
Kon amat hay masinadyahon kita ag kon amat hay masubo man.
Raya hay normal eang .
Kon gaoy hay magpahuway anay ag indi pagpiliton ro eawas.
