Ginpirmahan eon ni Pangueong rodrigo Duterte bilang sangka eubus nga laye ro pag-amyenda sa Public Service Act nga nagabawae sa mga dumueuong nga magpanag-iya it public utilities sa nasyon.
Suno sa Pangueo, tuyo kara nga mapabaskog ro investments ag mapadasig ro pagbangon it ekonomiya nga ginpahapa it COVID-19 pandemic.
Buot hambaeon nga pagapasugtan eon ro full foreign ownership sa pilang industriya kapareho it media, telecommunications, airlines ag railways.
Gindugang pa it pangueo nga nagaeaum imaw nga pinaagi kara hay mas maabu pa nga pilipino ro mataw-an it trabaho ag mas mapanami pa ro mga serbisyo.
Samtang, indi sa gihapon pagpasugtan nga eubusan nga mapasa-alima it mga dumueuong ro pilang sektor kapareho it Public Utility Vehicles, kuryente ag tubig, petroleum pipelines ag mga pantalan.
