KALIBO, Aklan — Bangud sa long weekend ag waea-tuong costume party, fully booked eon ro mga hotels ag resorts sa isla it Boracay pilang adlaw bago ro Undas nga gina kabig nga pag umpisa it peak season.
Suno kay Department of Tourism (DoT)-Boracay officer-in-charge Kristoffer Leo Velete nga masami sigon nga naga baton it reservations ro mga hotels ag resort sa isla.
Gina kabig suno kana sa makaron nga sambilog sa mga highlights sa Boracay ro mga Holloween party nga gina dayo it mga partygoers.
May kaangtanan kara, gin pasiguro ni Velete nga bukas ro andang taeatapan sa Undas agud magtao it bulig ag impormasyon sa mga turista hanungod sa mga aktibidades sa isla ag mga problemang paga atubangon ku mga raya.
Samtang, planchado eon ro seguridad sa Boracay ag Caticlan jetty port kun siin nakaplastar eon ro andang Oplan Undas Police Assistance Center para sa mga biyahero ag turista.
