Mga indibidwal nga apektado it habagat ag bagyong Carina, humampak eon sa 3.6 milyon

Pilang adlaw matapos ro pagpanaeasa it habagat ag bagyong Carina sa nasyon, humampak eon makaron sa 3.6-Milyon ro apektadong indibidwal it nagtaliwan nga maeain nga panyempo.

Base sa datos it Department of Social Welfare and Development, ro nasambit nga indibidwal hay katumbas it 1.1 milyong pamilya nga naapektuhan it grabeng pag-uean ag pagbaha.

Raya hay halin sa masobra 3,500 nga barangay sa 11 ka mga rehiyon it Pilipinas. Sa makaron, nagaabot sigon sa 16,000 nga pamilya ro nagapabilin sa mga gintaeanang evacuation centers katumbas it 62,000 nga indibidwal.

Ginpasiguro man it ahensya nga magapadayon ro andang pagpanupod it bulig sa mga apektadong pamilya.