KALIBO, Aklan — Kumpiyansa gihapon ro Department of Public Works and Highways (DPWH) nga makaeagas sa gintaeanang deadline ro nagapadayon nga road rehabilitation program sa Boracay.
Sa ambush interview it Bombo Radyo kay DPWH Secretary Mark Villar, ginpasiguro kara nga magiging malimpyo eon ro mga karsada sa isla sa uman nga pagbukas kara sa mga turista sa Oktubre 26.
Punterya sigon nandang matapos ro bahin it 4.1-kilometer main road, kapin eon ro halin sa Cagban Port paadto sa Elizalde Compound sa Station 1 agud magamit sa re-opening it isla.
Apang, magapadayon gihapon ro iba pang rehabilitation works.
Mag-eowas kara, syento porsiyento eon sigon nga tapos ro circumferential road sa Bolabog area sa buean it Oktubre.
Sa oras sigon nga matapos eon ro pagbutang it mga tubo para sa drainage hay igasunod ro pagsemento it karsada.
Ro P490 million sigon nga pondo para sa road rehabilitation sa isla hay madugangan pa sa masunod nga dag-on.
