BALITA Espesyal—Nag-open bar ro mga alagang buffalo it tatlong mangunguma sa India rason agud nga mahilong ro mga raya ag maging rason agud nga arestuhon ro andang mga amo.
Bistado ro iligal nga pag-obra it aeak it tatlong mangunguma matapos nga magpangunsiho ro sambilog kanda sa sangka beterinaryo bangud sa kakaibang ginahueag ag pagbuea sa bibig it andang mga alagang buffalo.
Gin-inspection it beterinaryo ro gina-inom nga tubi it mga buffalo ag nataeupangdan nga may kakaibang hugum ag kulay raya.
Dikara nabuking nga idtu gali ginatago it tatlong mangunguma ro mga kontrabandong aeak nga andang gina-obra.
Natiempo nga nabasag ro sambilog sa mga bote rason nga naghalo ro aeak sa tubi nga gina inom it mga baka ag ginkahilong it mga raya.
Insigidang ginsugid it beterinaryo ro anang natukiban sa mga pulis.
Insigidang nagpatigayon it raid ag gin-aresto ro tatlong mangunguma.
Kapin sa 100 nga bote it aeak ro nakumpiska it mga pulis halin sa ginpatigayon nga raid.
Hugut nga ginabawae ro iligal nga pag obra it aeak sa India, nga naging rason it pagkamatay it pilang katawo idtu bangud sa pagkahilo.
