Oslo, Norway — Nagpaabot it pakikisimpatiya ro mga monarka it Europe ag pilang world leaders sa pagkamatay ni King Harald V it Norway, nga nagtaliwan sa pihak nga kinabuhi ko Agosto 28 sa edad nga 89.
Si Harald ro pinakamagueang nga reigning monarch sa Europe bago imaw namatay. Awtomatikong nagbueos sa trono ro anang unga nga si Haakon.
Kaibahan sa mga nagtau it pasidungog si King Charles III it Britain, nga ginakabig si Harald bilang sangka palangga nana nga igkampod nga nagserbisyo sa Norway nga may dedikasyon, may pagpalangga ag mapina-ubuson.
Nagpaabot man it pakikisimpatiya ro mga royal family it Denmark, Sweden, Netherlands, Belgium, Spain ag Jordan, nga gindumdum si Harald bilang sangka mayad nga amigo ag simbolo it kapag-on it Norway.
Samtang, ginpahayag it United Nations nga eubus nga madumduman si Harald sa anang pagsueong it kamaeayran it mga unga, pag-alaga sa palibot ag suporta sa diversity.
Nagtau man it tribute ro NATO ag European Union, samtang nagpahayag it pakikisimpatiya ro mga lider it France, Ukraine, Canada, Italy ag Israel.
Ginakilaea it nasambit nga mga lider si Harald sa anang mabuhay nga pagserbisyo, dignidad ag dedikasyon sa Norway, kamana man sa pagpatibay it relasyon it mga nasyon sa nagkaeain-eain nga parte it kalibutan.
