Nagareklamo eon ro kaabuan it mga negosyante sa banwa it kalibo sa pagtaas it sukot it kuryente it aklan electric cooperative ukon akelco nga naga abot sa piso hasta P2.00 kada kilowatt hour.
Suno kay Mary Ann Retilba, sangka negosyante sa banwa it kalibo nga bukon eamang sanda nga mga negosyante ro apektado kundi ro mga konsumidor.
Owa sigon sanda it mahimo kundi nga ipasa man sa mga bumaeakae ro andang gastos sa pag-negosyo.
Nagadiskarte eon lang suno kana sanda nga mga negosyante agud nga makatipid partikular ro paggamit it refrigerator.
Bangud nga owa it masyadong baligya nga softdrinks, gina-off nanda raya kada adlaw ag ginabuksan kon gabi-i.
Sa pihak nga parte, aminado man si Retilba nga owa pa sanda masyadong nakabangon halin sa epekto it pandemya, kun sa siin hay nagdungan pa ro inflation ukon pagtaas it mga baeak-eon ag ro presyo it produktong petrolyo .
