Maabu nga mga sakit ro pwedeng maangkon it mga tawong overweight ag obese.
Suno kay Dr. Yrah Damiene Fernandez, sangka Internist nga dapat balansehon it kada tawo ro andang ginakaon ag siguraduhon nga makaangkon it healthy lifestyle.
Ro pagiging “overweight” ag “obese” hay nagakahueogan nga ro timbang it sangka tawo hay sobra sa normal nga bug-at base sa anang taas.
Ro pagiging overweight hay masami nga tuga it sobrang tambok sa eaawas.
Apang, posible man raya nga maghalin sa pag-angkon it sobrang muscle, tue-an ukon tubi.
Samtang, ro mga tawong obese hay masami nga sobra ro tambok sa eawas.
Ro Body Mass Index (BMI) hay sangka basehan agud nga masayuran kung ro sangka indibidwal hay may healthy nga timbang.
Ginasukat it BMI ro bug-at it tawo angot sa anang height.
Sa pagtaas it BMI, nagataas man ro peligro it pag-angkon it mga problema sa kaeawasan.
Base sa datus, naga-abot sa 800 million nga mga indibidwal sa bilog nga kalibutan ro naga-angkon it sobrang timbang.
Kung siin, mataas ro tyansa it mga raya nga makaangkon it cardiovascular disease, diabtes ag nagkaeain-eain nga klase it kanser.
Samtang, sa Pilipinas kapin sa 27 million ro overweight ag obese.
Nailista ro pagtaas it nasambit nga numero sa sueod it daywang dekada.
Matueopangdan nga owa it madasig nga pamaagi agud nga buengon ro obesity.
Ro pagbawas it timbang hay nagakinahang-ean it oras ag commitment.
