Mga tren sa France  kanselado samtang padayon ro pag-usoy sa mga vandals

Tatlo sa napueong high-speed trains sa France ginkansela matapos ro serye it mga “coordinated” nga arson attacks.

Suno kay French Prime Minister Gabriel Attal, padayon nga ginatugis it mga puwersa it awtoridad ro mga “saboteurs” nga responsable sa pag-paralisa it mga rail networks antes ro pagbukas it Olympic Games.

Suno sa transport minister it France, magabalik sa normal ro mga serbisyo pag-abot it Lunes it agahon.

Ginatantya nga kapin sa 250,000 nga pasahero ro naapektuhan samtang ginpahayag ni junior transport minister Patrice Vergriete nga pwedeng umabot it 800,000 ro maapektuhan sa sueod it tatlong adlaw.

Samtang, uwa gihapon it grupo nga umako it responsibilidad para sa nasambit nga insidente.