Gindeklara it World Health Organization bilang international health emergency ro outbreak nga tuga it Bundibugyo strain it Ebola nga owa pa it bakuna ukon partikular nga bueong.
Masobra sa 80 katawo eon ro namatay sa outbreak it Ebola sa Democratic Republic of the Congo samtang masobra sa 300 nga iba pa ro ginadudahan nga kaso it sakit.
Suno sa mga awtoridad, posible raya nga makaangkon it hasta sa 50 porsyentong fatality rate ag madasig eon nga nagakalhit hasta sa kaiping nga nasyong Uganda.
Kaibahan sa sintomas it Ebola ro eagnat, pagpaeanuka, pagdugo, ag organ failure.
Ginpahayag man it Doctors Without Borders o MSF nga maka-alarma ro sitwasyon bangud nga kueang ro pasilidad ag nabudlayan ro Congo sa pagdaea it medical equipment sa mga apektadong lugar.
Samtang, aktibong nakikipag-angot ro Department of Health sa World Health Organization angot sa outbreak it Bundibugyo strain it Ebola sa Africa.
Suno sa DOH, gindeklara it WHO bilang Public Health Emergency of International Concern ro outbreak, apang ginklaru nga indi raya makabig nga pandemic emergency.
Nagpaandam ro WHO sa posibilidad it madasig nga pagkalhit it sakit sa Democratic Republic of the Congo ag Uganda bangud sa humanitarian crisis ag mataas nga hueag it populasyon.
Ginpamilit man it DOH nga nagapabilin sanda nga naka alerto ag padayun nga nagatau it tamang impormasyon sa publiko agud nga malikawan ro pagkalhit it sakit.
