KALIBO, Aklan — Sangka netizen ro nagpaabot it pagkabaeaka sa naga-trending nga vlog it mga Akeanon content creators nga taga Banga ag Libacao.
Suno kay Akeanon creators nga kinahangean nga mapundo ro mga makarondaya nga klase it content bangud nga pwede raya nga magtuga it physical confrontation .
Sa sangka video hay makabig nga maka-alarma ro ginhimo nga “weapon bragging” matapos nga ipakita it vlogger nga si Ronnel Rovero Pelonio ro sangka sanduko ukon talibong nga nagapakita it bayolente nga pag-inugali.
May importante nga kahueugan suno kana ro talibong, sangka tradisyunal nga fighting sword, sa mga Akeanon partikular sa mga Banganhon bangud nga raya ro gingamit nanda nga armas agud nga depensahan ro andang teritoryo sa mga mananakop nga dumueuong ko tiempo it giyera mondiyal numero dos sa gintawag nga “bolo battalion.”
Dikara hay nagbulig ro mga hangaway it Libacao sa mga warriors it Banga rason nga nagaeaum imaw nga mapadayun ro manami nga relasyon it daywang banwa hasta sa ulihing henerasyon.
Kabay suno kana nga indi raya masamad it mga owa it kapuslanan nga bagay.
Sa pihak nga parte, ginlaygay ni Duran nga dapat nga maging responsible ro mga vloggers sa tanan nanda nga mga ginapaguwa nga content para sa andang mga fans ag followers bangud nga madasig raya nga nagakalhit ag maabu ro nakakakita kamana man nga pirmeng isipon ro posibleng maging epekto it andang mga vlog sa publiko.
