KALIBO, Aklan — Parehong nagapangatubang sa kasong concubinage ro sangka mister ag ro anang kabit nga masahista matapos madakpan sa akto ni misis nga magkahulid nga nagalampungan sa kuwarto sa sangka boarding house sa Sitio Malabunot, Brgy. Manocmanoc, Boracay.
Base sa report it Malay Police Station, nadakpan it 37 anyos nga misis ro anang mister nga driver kahulid ro anang kabit sa nasambit nga lugar.
Suno sa misis nga matapos nga maispatan ro ginakahimtangan it daywa hay insigida imaw nga nag-agto sa presinto agud nga ipadakop ro asawa ag anang kabit.
Kat salakayon ro kuwarto sa nasambit nga boarding house, nasorpresa maskin ro rumespondeng pulis kat maabutan nanda nga parehong owa it eambong sa ubos ro daywa ag naga-loving-loving sa kama.
Ginhana pa sigon nga magpaeagiw it eaeaki pinaagi sa pag-eumpat sa bintana, apang owa raya nagmadinaeag-on bangud nga nadakpan eagi imaw it mga otoridad.
