Kaeabanan nga masubo ag masakit ro pagbueag it mga mag-asawa rason nga kon amat hay nakaka-obra it mga bagay nga owa ginaeauman.
Sa Pennsylvania, nagdesisyon ro sangka misis nga bueagan eon ro anang mister bangud sa maabu nga bagay nga owa pagka-ilintindihan.
Apang raya hay owa nagustuhan it mister nga gin-eumos ro anang kaugalingon sa makahieilong nga ilimnon. Kat hilong eon, anang ginkompronta ro anang misis ag ginpaeag nga pagagub-on ro andang baeay.
Owa raya ginsapak it asawa apang gulpi eon lang imaw nga nakibot kat gin-bulldoze it mister ro andang baeay.
Ro masubo pa hay ginpatigayon raya samtang una sa sueod ro anang misis ag daywa nanda nga unga.
Matapos maguba ro likod nga parte it baeay, nagsueod ro mister, nagbo-oe it gym bag ag nagpanaw. Nadakpan man imaw eagi it mga otoridad ag ginkustodiya.
Nagapangatubang ro mister it sangkaterbang kaso, eakip eon ro pagtuga it damage, reckless endangerment, ag disorderly conduct.
