Ninahan sa ueo ro sangka katapo it Philippine Navy matapos sigon nga eampusan it baton it sangka personnel it China Coast Guard (CCG) sa sangka komprontasyon sa Ayungin Shoal sa West Philippine Sea ku Lunes, Hulyo 20.
Suno sa Armed Forces of the Philippines (AFP), nag-eapit sa BRP Sierra Madre ro sangka rigid-hull inflatable boat it CCG nga may sakay nga waeong tawuhan ag nagpatigayon it pagbuoe it mga litrato ag video.
Kat eapitan it mga tawuhan it Navy gamit ro rubber boats para papabnawon ro mga raya, naging agresibo sigon ro CCG, nga nauli sa pagpanakit sa sangka miyembro Philippine Navy ag pagkasamad it mga rubber boat.
Insigida nga nataw-an it bueong it Western Command (WESCOM) ro ninahang suldado.
Ginpamilit it AFP nga naghueag ro andang mga tawuhan sandig sa Rules of Engagement ag uman nga nagpanawagan sa China nga punduhon eon ro mga iligal sigon ag agresibong aksyon sa West Philippine Sea ag respetuhon ro 2016 Arbitral Award.
