-- ADVERTISEMENT --
KALIBO, Aklan — Tugpa sa Aklan Provincial Hospital ro sangka eaeaki matapos nga madisgrasya sa ginamanehong motorsiklo sa Kalibo International Airport.
Ginkilaea ro biktima kay Ar-jay Nino Gonzales, 21, taga-Arkanghel, Balete, Aklan.
Ginasugid nga gulpi eamang nga sumimplang ro biktima sakay it anang motorsiklo.
Nasayuran nga sa idaeom it makahieilong nga ilimnon si Gonzales kabangdanan it anang pagkadisgrasya.
-- ADVERTISEMENT --
Nag-angkon it lastro sa ueo, uyahon ag iba pang parte it anang kaeawasan ro biktima.
Samtamg insigida nga gindaea sa nasambit nga ospital ro biktima para sa anang nagakaigo nga pagbueong.
