KALIBO, Aklan — Patay ro sangka rider matapos mabungguan ro gina manehong motorsiklo it kasubeang nga dump truck sa kurbadang porsyon it national highway it Barangay Rizal, Nabas.
Gin kilaea ro biktimang si Elgern Torres, 28 anyos, tumandok it Caloocan City, ag temporaryong naga estar sa nasambitang lugar.
Gina biyahe sigon it biktima ro kahabaon it national highway sakay ro anang motorsiklo kat pag abot sa kurbadang porsyon hay nasunggaban imaw it naga ragasang truck.
Inapok ro biktima ag inakad pa it kapin sa 20 feet ro anang motorsiklo.
Gin padangat pa ro biktima sa ospital sa banwa it Malay, apang, patay eon kat makaabot bangud sa gin angkon nga nina sa ueo ag iba pang parte it anang eawas.
Presenteng sa kustodiya eon it Nabas Police Station ro truck driver nga si Jesus Belotindos, 25, residente it Barangay Rizal, Ibajay ag naga pangatubang sa naga kaigong kaso.
