Uwa it untat ro mga ahensya it gobyerno bilang pagpahaom sa Traslasyon it Poong Hesus Nazareno makaron nga dag-on.
Tuyo it nasambit nga mga tikang nga masiguro ro seguridad it mga deboto ag kaayusan it bilog nga traslasyon.
Suno sa pamunuan it Metropolitan Manila Development Authority, nagagana eon makaron ro Multi-Agency Coordinating Center nga nakataeana sa Basilika Minor ag National Shrine ukon simbahan it Quiapo.
Sa sueod it nasambit nga Center hay mamomonitor in real time ro mga hitabo sa kabilugan it event sa pinaagi it mga naka install nga CCTV.
Makit-an man sa sueod ro mga Communication Equipment nga pagagamiton agud maging maayos ro koordinasyon it gobyerno.
Dugang pa it MMDA nga kaibahan sa mga magatao it seguridad hay ro Philippine National Police (PNP), Philippine Coast Guard ag iba pang nagapangunang ahensya it gobyerno.
