BALITA Espesyal—Sangka nabdos nga ina sa Pakistan ro nag-eubong it de-dos nga eansang sa anang ueo bangud pagabueagan eon raya it mister kung indi pa gihapon magka-unga it eaeaki.
Suno sa Pakistani Health Ministry, nag-adtu ro babaye sa sangka faith healer nga nagpahayag nga ro pag-eubong it eangsang sa ueo hay sangka pag-orasyon para makaangkon it unga nga eaeaki.
Antes pa sigon nga nag-adto sa ospital hay ginhana pa nanda nga bue-on ro eansang apang owa nanda raya nahimo.
Sa owa nagbuhay hay madinaeag-on man raya nga nabuoe it mga doktor.
Sa pihak it insidente, ginbida pa sigon it babaye nga may una eon imaw nga kakilaea nga nag-eubong man it eansang sa ueo ag nakaangkon it unga nga eaeaki.
Samtang, padayun man nga gina-usoy it mga otoridad ro faith healer nga gin-adtunan it nabdos nga ina.
