BALITANG Espesyal —- Nakibot ro 63-anyos nga British national nga si Paul Bishop kat makabaton imaw it parcel halin sa Spanish government.
Mas pa imaw nga nakibot kat masayuran nga ro naduea nana nga pustiso ro sueod kara.
Onse anyos eon ro nagtaliwan , nakipag-celebrate si Bishop it 50th birthday it anang amigo sa Benidorm, Spain.
Sa sobrang abu it nakaon ko gabi-e ngato, owa nana napugngan nga magsuka sa basurahan it bar.
Ulihi eon na-realize ni Bishop nga owa eon ro anang pustiso kat magsaylo sanda sa ibang bar.
Gintinguhaan nana nga balikan ro pustiso sa basurahan apang masyado raya nga puno ag imposible eon nga mausoy ro pustiso.
Pagkatapos it birthday celebration, bumalik sa England si Bishop ag nagpa-obra it bag-ong pustiso.
Rason nga eubus ro anang pagkakibot nga matapos ro 11 anyos, ginbalik raya kana it Spanish authorities.
Kat gin-usisa ni Bishop kun paalin nga nausoy nga imaw ro tag-ana it pustiso, nasayuran nana nga pinaagi sa DNA test, nasayuran it Spanish authorities nga imaw ro nagapanag-iya kara.
Pirmeng nagabisita sa Spain si Bishop ag sang beses eon imaw nga nagpaidaeum sa voluntary DNA swab kat nagbakasyon imaw idtu rason nga sa DNA database imaw it nasyon .
Matapos mag-match ro DNA nana sa pustiso, nakipag-coordinate ro Spain sa British embassy agud nga sayuron ro anang address.
Sa sobrang pagdayaw nana sa pag-usoy kana it Spanish government agud eamang nga ibalik ro anang pustiso, iga-display ni Bishop ro anang pustiso sa Ridge Hill Lane Working Men’s Club kun sa siin imaw ro general manager.
