Kalibo Aklan—-Makabig nga fake news ro nagkalhit nga impormasyon nga may namatay nga suspected COVID-19 patient sa Aklan Provincial Hospital.
Suno kay Dr. Cornelio Cuatchon Jr it Provincial Health Office nga owa man sanda it may nabaton nga report angot kara halin sa pamunuan it nasambit nga ospital .
Nagapabilin suno kana nga COVID free ro Aklan matapos nga owa it may nailistang suspected, probable ag positive case it nasambit nga makamaeatay nga sakit nga naka-admit sa ospital .
Naka-schedule suno kana ro repeat test it babayeng seafarer nga naka-strict home quarantine sa banwa it Banga sa masunod nga domingo ag sa oras nga maging negatibo hay makabig raya nga fully recovered eon .
Samtang, hugut man sigon ro andang monitoring sa mga nag-aeabutan nga locally stranded Aklanon nga presenteng naka-quarantine sa Aklan Training Center nga gintaeana nga isolation facility it provincial government .
Ro COVID- 19 hay makabig eon sigon nga notifiable disease rason nga kinahangean nga mai-report it tanan nga disease recording units .
