Kapin sa 33 porsyento pa eamang sa bilog nga nasyon ro nakabaton it andang National Identification Card halin kat ginlunsar ro PhilSys ukon National Identity Card Registration.
suno kay Rodelyn Panadero, supervising statistical specialist it Philippine Statistic Authority ukon PSA Aklan, medyo mahinay ro distribution it ID bangud nga central bank ro nagagastos kara.
Sa bilog nga probinsya it Aklan, sa total population nga 615, 475 hay 467, 142 eon sigon ro nakarehistro.
Ro mga naga edad it ap-at nga dag-on panaba eamang ro uwa nakarehistro kara bangud nga uwa pa sigon nahueag ro andang listahan.
Sa makaron suno kay Panadero hay sigidas gihapon ro andang pagbaton it mga nagaparehistro partikular ro mga uwa nakapasakop sa andang paglibot sa mga kabaryuhan.
Bukon sigon ro andang registration office sa may bahin it capitol kon sa siin inde eon kinahang-ean nga magpila.
