Ginpahayag it Department of Labor and Employment (DOLE) nga gina-consolidate it National Capital Region’s Tripartite Wages and Productivity Board ro tatlong petisyon nga nagapangayo it salary hike, matapos ibasura ro petisyon para sa pataasan ro minimum wage sa P1,007 pesos it Trade Union Congress of the Philippines.
Suno kay DOLE-NCR regional director Sarah Buena Mirasol, gindesisyunan it RTWPB nga i-consolidate ro tatlong petisyon nga ipasaka sa P213 hasta P250 pesos ro daily minimum wage para sa mga trabahador sa Metro Manila.
Ginpahayag it DOLE nga owa gindesisyunan it board ro petisyon para sa across-the-board wage adjustment nga P470 pesos kada adlaw nga gindihon ko March 14 it TUCP, bangud nga ro across the board increase hay owa nakasueod sa hurisdiksyon it wage board ukon otorisado it R.A. 6727.
Ginpaathag it ahensya nga ro andang mandato hay limitado eang sa minimum wage fixing ag determination sa rehiyon.
Ro Republic Act 6727 hay ro laye nga nagabilog sa wage boards agud nga ayuson ro minimum wages sa regional level.
