OLYMPIC Update—Sueod eon ro pambato it Pilipinas sa boxing nga si Nesthy Petecio.
Raya hay matapos nana nga pyerdihon ro kasambuwa nga si Lin Yu-Ting it Chinese-Taipei sa round of 16 it women’s featherwught division it 2020 Tokyo Olympics boxing tournament makaron nga adlaw it Lunes.
Si Petecio hay nagdaog pinaagi sa split decision (3-2) para makasueod sa Summer games.
Masunod kara nga makasambuwa ro magadaog sa tunga nanday Stanimira Petrova it Bulgaria ag yeni Arias it Colombia.
Madumduman nga ginpyerdi man ni Petecio ro atleta maghalin sa Democratic Republic of Congo nga si Sakobi Matshu Marcelat pinaagi sa unanimous decision.
Sa pihak nga parte, nakabuoe eon it 15 ka mga medalya nga ginakaeakipan it an-om nga bueawan, tatlong silver ag an-om nga bronze.
Kung siin, ginasundan man raya it USA nga may an-om nga bueawan, tatlong silver ag ap-at nga bronze.
Pangatlo ro host country nga Japan nga may an-om nga gold, sambilog nga silver ag bronze medal.
Pang ap-at ro Great Britain nga may daywang bueawan, daywang silver ag sambilog nga bronze.
Samtang, ro Pilipinas hay owa pa nakabuoe it medalya.
