Ginpaabot ni Israeli Prime Minister Benjamin Netanyahu nga nagkasugot sanda ni U.S. President Donald Trump nga anumang pinal nga kasugtanan sa Iran hay dapat eubusan nga magwakas sa gina-alegar nga nuclear threat it Islamic republic.
Suno kay Netanyahu, naka-istorya nana si Trump ko Sabado it gabi-i, nga una eon nga gin-describe it U.S. bilang manami nga pag-istorya.
Nasayuran nga kaibahan sa andang nakasugtan hay ro pagbungkag sa uranium enrichment facilities it Iran ag ro pagbo-oe it enriched nuclear materials halin sa teritoryo kara.
Ginpamilit man it Israeli leader nga nagapabilin nga pareho ro andang posisyon ni Trump nga indi dapat makaangkon it nuclear weapons ro Iran.
Naistoryahan man sigon it daywang lider ro memorandum of understanding angot sa uman nga pagbukas it Strait of Hormuz, nga sangka importanteng ruta it pangkalibutanon nga kalakalan it supply it langis.
Ginpahayag pa ni Netanyahu nga padayun nga mabakod ro alyansa it Israel ag Estados Unidos, eabi eon sa isyu it seguridad ag depensa kontra sa mga paeag sa rehiyon, kaibahan ro sitwasyon sa Lebanon.
